អត្ថន័យភាពជោគជ័យរបស់មហាសេដ្ឋី Warren Buffett គឺធ្វើរឿងមួយនេះ!
នៅពេលដែលលោក Warren Buffett មានអាយុ ២៥ ឆ្នាំ នៅគ្រានោះលោកមានទ្រព្យសម្បត្តិប្រមាណ ២ លានដុល្លារ បើប្រៀបធៀបទៅនឹងពេលបច្ចុប្បន្ន។ នៅពេលនោះហើយដែលលោកចាប់ផ្តើមមានភាពឯករាជ្យលើការគ្រប់គ្រងហិរញ្ញវត្ថុកាន់តែប្រសើរឡើងដើម្បីសម្រេចគោលដៅរបស់លោក។
ប៉ុន្តែនៅពេលនេះ លោកមានអាយុ ៨៤ ឆ្នាំហើយ ហើយលោកគឺជាមហាសេដ្ឋីមានជាងគេបំផុតលំដាប់ទី៣ នៅលើពិភពលោកដែលមានទ្រព្យសម្បត្តិប្រមាណ ៧០ ពាន់លានដុល្លារ និង បានកសាងកេរ្តិ៍ឈ្មោះរបស់លោកជាវិនិយោគិនដ៏អស្ចារ្យនៅក្នុងប្រវត្តិសាស្ត្រ (The Greatest Investor in History)។
ក្នុងនាមជាបុគ្គលដ៏ជោគជ័យមួយរូប មហាសេដ្ឋីមកពីរដ្ឋ Nebraska រូបនេះបានកំណត់និយមន័យមួយដែលស្តីពីភាពជោគជ័យ។ តាមការអះអាងរបស់លោក លោកជាមនុស្សដែលមានការលើកទឹកចិត្តយ៉ាងច្រើនដែលជាមោទនភាពផុសចេញពីក្នុងខ្លួនរបស់លោកទៅនឹងសមិទ្ធផលការងារដែលលោកសម្រេចបានដើម្បីបន្តពង្រីកមុខជំនួញរបស់លោកជាមួយនឹងក្រុមហ៊ុន Berkshire Hathaway ដែលបង្កើតឡើងតាំងពីឆ្នាំ ១៩៧០ មកម្ល៉េះ។
ជោគជ័យ គឺជាទទួលបាននូវអ្វីដែលអ្នកចង់បាន»។ នេះជាការលើកឡើងរបស់លោក Warren Buffett។ លោកបានផ្តល់ដំបូន្មានបន្តថា ក្នុងនាមជាមនុស្សម្នាក់អ្នកមិនត្រូវកាត់តម្រូវខ្លួនអ្នក ឬ អនុវត្តការងាររបស់អ្នកឲ្យស្របទៅនឹងអ្វីដែលជាការចង់បាន ឬ គំនិតរបស់អ្នកដទៃនោះឡើយ។
«ដោយហេតុថា អ្នកត្រូវស្ថិតឲ្យជាប់ទៅនឹងអាជីពការងាររបស់អ្នកពេញមួយឆាកជីវិតនេះ អ្នកត្រូវគិតអំពីសមត្ថភាពដែលផុសចេញពីក្នុងខ្លួនរបស់អ្នកដែលផ្ដោតទៅលើគោលដៅរបស់អ្នក ថាតើវាបានអនុវត្តដល់កម្រិតណា? ជោគជ័យដោយរបៀបណា?»។ នេះជាប្រសាសន៍បន្ថែមរបស់លោក។
លោកបានបន្តដូច្នេះថា៖« អ្នកគួរតែផ្ដោតច្រើនទៅនឹងរបៀបដែលអ្នកត្រូវអនុវត្តការងារឲ្យបានល្អ ប្រសើរជាជាងទៅនឹងពិភពលោកដែលនៅជុំវិញអ្នក»។
សម្រាប់លោក Buffett លោកតែដាក់ភាពជោគជ័យក្រុមហ៊ុនរបស់លោកនៅពីមុខភាពជោគជ័យរបស់លោកផ្ទាល់ដោយសង្កត់ធ្ងន់ឲ្យអ្នកគ្រប់គ្រងគ្រប់ផ្នែកនៅក្នុងក្រុមហ៊ុននេះចងចាំនូវពាក្យស្លោកមួយជាអាទិភាពគឺថា “ត្រូវខ្នះខ្នែងតាមគ្រប់រូបភាពដើម្បីការពារកេរ្តិ៍ឈ្មោះក្រុមហ៊ុន Berkshire Hathaway”។
សម្រាប់ដំបូន្មានចុងក្រោយរបស់លោក គឺថា ភាពជោគជ័យដ៏ពិតប្រាកដនឹងកើតចេញពីការងារដែលអ្នកចង់បានជាជាងជីវភាពរបស់អ្នក និង ដាច់ខាតត្រូវតែធ្វើខ្លួនអ្នកឲ្យក្លាយជាមនុស្សមានតម្លៃ៕
No comments: