Michael Dell៖បង្កើតក្រុមហ៊ុនជាមួយលុយ១០០០ដុល្លារ

Michael Dell៖បង្កើតក្រុមហ៊ុនជាមួយលុយ១០០០ដុល្លារ

លោក​ Michael​ Dell​ ដែលនា ពេល បច្ចុប្បន្ន​មាន អាយុ៤៨ឆ្នាំ​ជាជនជាតិ​អាមេរិកកាំង​ហើយ​លោកគឺ​ជានាយក​ ប្រតិបត្តិ​និង​ប្រធាន​ក្រុមប្រឹក្សា​ភិបាល​របស់​ក្រុមហ៊ុន​Dell។​លោកជា​មនុស្សដ៏ជោគជ័យ​ម្នាក់​ក្នុងចំណោម​មនុស្ស​ដទៃទៀត​ក្នុងពិភពលោក​ដែលប្រែក្លាយ​ពីមនុស្សសាមញ្ញ​ទៅជាមហាសេដ្ឋី​លំដាប់ពិភពលោក​ដែលមាន​លុយ១៥.៣ពាន់លានដុល្លារ​គិតមកត្រឹមខែមិនា​ឆ្នាំ២០១៣នេះ​ដោយផ្អែកលើ​ទស្សនាវដ្តី​ Forbes ។​លោក​ Michael​ Dell គឺជាអ្នកបង្កើត​ក្រុមហ៊ុន​ Dell ជាមួយលុយ១០០០ដុល្លារ​ហើយប្រែក្លាយ​ជាក្រុមហ៊ុន​មួយ​ដែលមាន​តម្លៃរាប់សិបពាន់លានដុល្លារ។​

តើកក្តាអ្វីដែលជំរុញឲលោកទទួលបានជោគជ័យបែបនេះ?​

ដោយសារ​មានផែនការ​ជិវិតច្បាស់លាស់​នៅត្រឹមអាយុ១៩ឆ្នាំ​លោកដឹង​យ៉ាងច្បាស់​នូវអ្វីដែលខ្លួន​ចង់បាន​ក្នុងមួយឆាកជិវិត​ នេះដោយ​លោកកំនត់​ទិសដៅ​ច្បាស់លាស់​និងបន្ត​សម្រេចគោលដៅ​នេះឲទល់តែបាន​។​ក្រោយមក​លោកបានចូលរៀន​ជំនាញជីវៈវិជា្ជ​នៅសាកលវិទ្យាល័យ​ Texas​ សហរដ្ឋអាមេរិក​ ដោយសារ​ឳពុកម្តាយ​របស់លោក​ចង់ឲគាត់​ក្លាយជា​វេជ្ជបណ្ឌិត ​ប៉ុន្តែ​ដោយសារ​លោកមាន​ចំណង់ចំណូល​ចិត្ត​ខាងផលិត​កំព្យូរទ័រ​យ៉ាងខ្លាំង​តាំងពី​អាយុ១៥ឆ្នាំ​មក ដូចច្នេះ​ហើយបាន​មួយឆ្នាំក្រោយ​មកទៀត​ទើបលោក​ឈប់រៀន​ដើម្បីសម្រច​សុបិន្ត​និង​គោលដៅ​របស់លោក។​
ក្នុងឆ្នាំ១៩៨៤ ​លោកបានចាប់ផ្តើម​សុបិន្ត​របស់លោក ​ដោយមាន​ទុន​ដំបូងតែ​១០០០ដុល្លារ ​ដែល​អាជីវកម្ម​របស់លោកដំបូង​គឺតម្លើងកំព្យូរទ័រ​លក់​។​ ​គំនិតអាជីវកម្ម​របស់លោក​គឺ លោកតម្លើងកំព្យូរទ័រ​ទៅតាមចំណង់ចំណូលចិត្ត​របស់អតិថិជន​និងលក់កំព្យូរទ័រ​ក្នុងតម្លៃថោក​ទៅឲអតិថិជន​ដោយផ្ទាល់​តាមរយៈមិត្តភក្តិ​និងអ្នកស្គាល់គ្នា។ ​ក្នុងឆ្នាំ១៩៨៥ ​ក្រុមហ៊ុនរបស់លោក​ចាប់ផ្តើម រចនា​និងបង្កើតកំព្យូរទ័រ​ដោយយកធាតុផ្សំមក​ពីខាងក្រៅ​ ផ្តោតសំខាន់​ទៅលើអតិថិជន​និងសេវាកម្មល្អ​លើសពីនេះ​ទៅទៀតគឺ​លោកបន្តសុបិន្ត​និងគោលដៅ​របស់លោក​ដោយសន្សឹមៗ។​

ត្រឹមឆ្នាំ១៩៩២​សាជីវកម្ម Dell​ របស់លោក​ បានក្លាយជា​ក្រុមហ៊ុនដែលធំជាងគេ​របស់ពិភពលោក​ ក្នុងចំណោម​ក្រុមហ៊ុនទាំង៥០០​ដែលជាប់​ក្នុងទស្សនាវដ្ដី​ Fortune​ និង​ក្លាយជា​នាយកប្រតិបត្តិ​ក្មេងជាងគេ​ (២៧ឆ្នាំ)​របស់ពិភពលោក​ដែលចុះ​ក្នុងបញ្ជី​របស់ទស្សនាវដ្តី​ Fortune ផងដែរ។​

យុទ្ធសាស្រ្ត​ដែលធ្វើ​ឲ​ក្រុមហ៊ុន​របស់លោក​ជោគជ័យ​គឺ​ការលក់​កំព្យូរទ័រ​តាមប្រពន្ធ័​អ៊ិនធឺណែត​។​ការលក់​តាមប្រពន្ធ័អ៊ិនធឺណែតនេះហើយ​ដែលជំរុញ​ក្រុមហ៊ុនលោក​ឲកាន់តែទទួលបាន​ភាពជោគជ័យ​ថែមទៀត​។​ដោយឡែក​ក្នុងឆ្នាំ១៩៩៩​លោកបាន​ចាប់ផ្តើមបង្កើតវិបសាយ​ Gigabuys.com​ ជាវិបសាយ​ដែល​លក់​ផលិតផល​ទាំងឡាយណា​ដែលទាក់ទង​នឹង​កំព្យូរទ័រ​ និង​ការរីកចម្រើន​ឥត​ឈប់ឈរ​ក្រុមហ៊ុន​ Dell ក្លាយជា​ក្រុមហ៊ុន​ដែលមាន​តម្លៃជាង​១០០ពាន់លានដុល្លារ​នាពេល​បច្ចុប្បន្ននេះ។​

សរុបសេចក្តី​មកលោកបាន​ទទួលជោគជ័យ​ដោយសារលោកបាន​កំណត់គោលដៅ​និងផែនការ​ជីវិតច្បាស់លាស់​អ្វីដែលលោកចង់​សម្រេចបាន​ក្នុងមួយឆាកជីវិតនេះ​ពីព្រោះយើងម្នាក់ៗ​កើតមកមាន​ជីវិតតែមួយដូច្នេះ​យើងត្រូវដឹង​និងយល់អ្វី​ដែលយើងចង់បាន​ហើយបន្ទាប់មក​គឺស្វះស្វែងរក​វិធីសាស្រ្ត​ដើម្បីសម្រេច​គោលដៅ​នេះ។​

ដោយ៖​ភារ៉ាន់

ប្រភពមកពី​វិបសាយwww.dell.com,​ទស្សនាវដ្ដី​Forbes និង​វិបសាយwww.thethemillionairesecrets.net។