សូមក្រលេកមកមើលដំណើរការនិងកំលាំងជំរុញដែលធ្វើឲមាននូវការបង្កើតបណ្តាញសង្គមfacebook។ក្នុងឆ្នាំ២០០២លោកបានចុះឈ្មោះចូលរៀននៅសាកលវិទ្យាល័យHarvardនៅទីនោះហើយដែលកេរ្តិ៍ឈ្មោះលោកចាប់ផ្តើមល្បីតាមរយៈការបង្កើតកម្មវិធីមួយមានឈ្មោះថាCourseMatchដែលអនុញ្ញាតឲនិសិ្សតជ្រើសរើសថ្នាក់រៀនរស់ខ្លួនដោយផ្អែកលើមុខវិជ្ជាផ្សេងៗដែលបានជ្រើសក្នុងចំណោមអ្នកប្រើប្រាស់កម្មវិធីនេះ។
លោកក៍បានបង្កើតនូវកម្មវិធីមួយទៀតមានឈ្មោះថាFacemasគឺជាកម្មវិធីដែលប្រៀបធៀបរូបថតរវាងនិស្សិតពីរនាក់ដែលនៅក្នុងសាកលវិទ្យាល័យហើយបន្ទាប់មកអនុញ្ញាតឲអ្នកប្រើប្រាស់បោះឆ្នោតដើម្បីជ្រើសរើសរូបថតដែលទាក់ទាញ។កម្មវិធីនេះទទួលប្រជាប្រិយភាពបុន្តែក្រោយមកកម្មវិធីនេះត្រូវបានបិទដោយសាកលវិទ្យាល័យ។
ដោយសារកក្តានេះហើយដែលជំរុញឲលោកឈប់រៀននៅត្រឹមឆ្នាំទីពីរដើម្បីបន្តគំរោងនេះបន្តទៀតដោយការជំរុញពីមិត្តភក្តិបីនាក់ទៀតរបស់លោកហើយគំរោងនេះបានដូរឈ្មោះជាបណា្តញសាកលវិទ្យាល័យHarvard។លោកនិងមិត្តភក្តិរបស់លោកបានបង្កើតនូវវិបសាយមួយដែលអនុញ្ញាតឲអ្នកប្រើប្រាស់បង្កើតនូវប្រវត្តិរូបបញ្ចូលរូបថតនិងធ្វើការទំនាក់ទនងគ្នាទៅវិញទៅមក។ត្រឹមឆ្នាំ២០០៤facebookមានអ្នកប្រើប្រាស់១លាននាក់និយាយជារួមfacebookមានការរីកចំរើនពីមួយថ្ងៃទៅមួយថ្ងៃដែលបច្ចុប្បន្នមានអ្នកប្រើប្រាស់ជាង១.១១០ពាន់លាននាក់នេះគិតមកត្រឹមថ្ងៃទី១ឧសភាឆ្នាំ២០១៣។
គន្លឹះសំខាន់សំរាប់ការជោគជ័យដ៏ត្រចះត្រចង់នេះមកពីការខិតខំតស៊ូនិងការហ៊ានប្រថុយប្រថានដូចករណីលោកហ៊ានឈប់រៀនដើម្បីបន្តគំរោងរបស់លោកគឺដោយសារលោកជឿជាក់លើខ្លួនឯងថាលោកនឹងអាចធ្វើបានដូចសំដីលោកបានសំភាសន៍ជាមួយThe New Yorkerថាប្រសិនអ្នកចង់បន្តបង្កើតអ្វីមួយដែលមានឥទ្ធិពលនិងដែលមានមនុស្សជាច្រើនពឹងផ្អែកលើនោះអ្នកត្រូវតែរឹងមាំឡើងហើយខ្ញុំបានធំឡើងនិងបានរៀនអ្វីៗជាច្រើន។ដូចមានទ្រឹស្តីមួយបានពោលថាបើយើងមិនចូលរូងខ្លានោះទេដូច្នេះយើងនឹងមិនអាចចាប់ខ្លាបានទេគឺមានន័យថាយើងត្រូវតែហ៊ានលះបង់និងប្រថុយប្រថានអ្វីមួយបើយើងចង់សំរេចគោលដៅអ្វីមួយដោយការសាកល្បងនិងពុះពារដូចករណីលោកគឺលោកហ៊ានលះបង់ការសិក្សាជាដើម។
ម៉្យាងទៀតដើម្បីធ្វើឲលោកមានការខិតខំធ្វើការដើម្បីឆ្ពោះទៅរកការជោគជ័យលោកបានសរសេរលើផ្លាកសញ្ញាដ៍ធំនៅជញ្ជំងការិយាល័យដើម្បីដាស់តឿនអ្នកធ្វើការនៅfacebookដែលមានន័យថា៖
តើយើងនឹងធ្វើអ្វីប្រសិនបើយើងមិនខ្លាច?
ធ្វើដំណើរឲលឿននិងពុះពារឧប្បសគ្គ
ជាការពិតណាស់ទ្រឹស្តីទាំងនោះពិតជាមានន័យជ្រាលជ្រៅក្នុងការដាស់តឿនឲមនុស្សមានទឹកចិត្តបំពេញការងារក្នុងដំណើរឆ្ពោះទៅរកភាពប្រសើរថ្លៃថ្លារក្នុងការងារនិងជិវិត។
No comments: