សម្ដី​៨​ម៉ាត់​ ​បុគ្គល​ជោគជ័យ​មិន​ដែល​និយាយ​សោះ​ក្នុង​ជីវិត!

               ភាព​ទូលំទូលាយ​នៃ​គំនិត​ធ្វើ​ឲ្យ​មនុស្ស​ទស្សនៈ​ខុស​គ្នា​ទាំង​ស្រុង​ ហេតុ​នេះ​ហើយ​ទើប​អ្នក​ជោគជ័យ​ អ្នក​បរាជ័យ​ច្រើន​រាប់​មិន​អស់​ ប៉ុន្តែ​ទោះ​យ៉ាង​ក៏​ដោយ​មនុស្ស​គ្រប់​គ្នា​សុទ្ធ​តែ​មាន​សិទ្ធិ​ស្មើ​គ្នា​ក្នុង​ការ​ស្វែង​រក​ភាព​ជោគ​ជ័យ​របស់​ខ្លួន​​។ តែ​ ​បុគ្គល​ជោគជ័យ​មាន​ទស្សនៈ​ដូច​ និង បុគ្គល​ជោគជ័យ ដូច​គ្នា ​ចំណែក​ បុគ្គល​បរាជ័យ​ ក៏​ទស្សនៈ​ដូច​នឹង​បុគ្គល​បរាជ័យ​ដូច​គ្នា​។

ខាង​ក្រោម​នេះ ជា​ទស្សនៈ​របស់​អ្នក​ជោគជ័យ​ ហើយ​នេះ​ក៏​ជា​សម្រង់​សម្ដី​ខ្លះ​ដែល​អ្នក​បរាជ័យ​ច្រើន​តែ​និយាយ​ តែ​អ្នក​ជោគជ័យ​មិន​ដែល​និយាយ​​សោះ​ឡើយ ​នៅ​ពេញ​មួយ​ជីវិត​របស់​គេ។

១. គោល​ដៅ និង ក្ដី​ស្រមៃ របស់​ខ្ញុំ​អាច​ចាំ​បាន​ “My goals and dreams can wait.”

តាម​ពិត​គោល​ដៅ និង ក្ដី​ស្រមៃ​របស់​មនុស្ស​វា​អាច​សម្រេច​បាន​លុះ​ត្រា​តែ​ អ្នក​ពុះពារ​ទៅ​រក​វា ប៉ុន្តែ​បើ​អ្នក​អូស​បន្លាយ​ម្ដង​ហើយ​ម្ដង​ទៀត​អ្នក​គ្មាន​ថ្ងៃ​ ស្គាល់​ភាព​ពិត​នៃ​ក្តី​ស្រមៃ​នោះ​ទេ។ (ម្រឹគ​មិន​ដែល​បោល​ ចូល​ម៉ាត់​សីហ​ដែល​កំពុង​ដេក​លក់​ទេ)​។​

២. ខ្ញុំ​គ្មាន​ជម្រើស​ទេ​“I don’t have a choice.”

ពេល​និយាយ​បែប​នេះ មាន​ន័យ​ថា យើង​បិទ​ផ្លូវ​ខ្លួន​ឯង​ ធ្វើ​ឲ្យ​ខ្លួន​ឯង​នៅ​ទើរ​មួយ​កន្លង​ (គ្មាន​ផ្លូវ​ គ្មាន​ជម្រើស​) ប៉ុន្តែ​​គំនិត​អ្នក​ជោគជ័យ​ គេ​សម្លឹង​មើល​ឆ្ងាយ​ជា​ង​នេះ ហើយ​គេ​នឹង​គិត​ថា​ គេ​មាន​ផ្លូវ​ច្រើន​រាប់​មិន​អស់។

៣. គេ​ធ្វើ​​ត្រូវ ចំណែក​ខ្ញុំ​ពិត​ជា​ខុស​ហើយ​“They are probably right, so I must be wrong.”

កុំ​បំបាក់​ខ្លួន​ឲ្យ​បរាជ័យ​ដោយ​ប្រើ​ពាក្យ​នេះ ។​ត្រូវ​ចាំ​ថា ទោះ​ខុស​ក៏​ដោយ​ត្រូវ​ក៏​ដោយ​ វា​ជា​ការ​ពិត​ ហើយ​អ្នក​ជោគជ័យ​ ជា​អ្នក​ដែល​ហាន​ប្រឈម​មុខ​នឹង​ការ​ពិត។

៤. វា​ធ្ងន់ធ្ងរ​ពេក​ហើយ​​“This sucks.”

ការ​លុត​ដំ​ខ្លួន​ឲ្យ​ក្លាយ​ជា​ បុគ្គល​ដ៏​ជោគ​ជ័យ​ម្នាក់​ មិន​មាន​ជា​ការ​ងាយ​ទេ ដូច​នេះ​ អ្នក​មាន​គំនិត​ជោគ​ជ័យ​គេ​តស៊ូ​ជា​និច្ច​ មិន​ដែល​រុញរា​ទេ ព្រោះ​គេ​ដឹង​ថា គេ​​ចង់​បាន​ធ្វើ​ពិត​ប្រាកដ។

៥. ខ្ញុំ​ស្អប់​អ្នក​ “I hate you.”

គ្រាន់​តែ​និយាយ​ពាក្យ​នេះ​ចេញ​មក​ភ្លាម​ ​គេ​អាច​​ទាយ​ដឹង​ទៅ​ហើយ​ថា​ អ្នក​ជា​មនុស្ស​អត់​បាន​ការ ​ ព្រោះ​បុគ្គល​ជោគ​ជ័យ​មិន​ចង​គំនុំ​ មិន​ចេះ​ស្អប់​​​​ មិន​ច្រណែន​ ហើយ​ក៏​មិន​ចេះ​វាយ​តម្លៃ​អ្នក​ដទៃ​ទាប​ជាង​ខ្លួន​ដែរ។ ​ព្រះ​ពុទ្ធ​មាន​​ពុទ្ធដីកា​​ថា "ការ​ចង​ចិត្ត​ស្អប់​នរណា​ម្នាក់​មិន​ដែល​ធ្វើ​ឲ្យ​យើង​រស់​នៅ​បាន​សុខ​នោះ​ទេ។ "

៦. ខ្ញុំ​មិន​អាច​ធ្វើ​បាន​ទេ “I can’t.”

បុគ្គល​ដែល​មាន​គំនិត​ជោគជ័យ ​ជា​មនុស្ស​ដែល​មាន​ទំនុក​ចិត្ត​លើ​ខ្លួន​ឯង​(Self-confidence)ដូច​នេះ ​គេ​ជឿជាក់​ថា​ គេ​អាច​ធ្វើ​បាន ​មិន​ថា​ មាន​ឧបសគ្គ​អ្វី​ក៏​ដោយ។

៧. ខ្ញុំ​ខក​អស់​ហើយ ​“I missed my chance.” ​

ត្រូវ​ចំា​ថា​ ឱកាស​សម្រាប់​​​មនុស្ស​ម្នាក់​ៗ​ មិន​ដែល​អស់​ទេ​។ វា ​នៅ​តែ​មាន​ជា​និច្ច​ ដូច​នេះ​អ្នក​ដែល​មាន​គំនិត​​ជោគជ័យ​គេ​មិន​អស់​សង្ឃឹម​ទេ ព្រោះ​ថ្ងៃ​ណា​មួយ​គេ​នឹង​ក្ដាប់​វា​បាន​មិន​ខាន​។

៨. មិន​អី​ទេ … វា​គ្មាន​អី​សំខាន់​ទេ... “Never mind… it’s not important…”

នេះ​ជា​ពាក្យ​ដែល​អ្នក​មិន​សប្បាយ​ចិត្ត​ច្រើន​និយាយ​ ដើម្បី​ដោះ​ស្រាយ​ ឬ លាក់បាំង​បញ្ហា​ដែល​ខ្លួន​មិន​ពេញ​ចិត្ត​ប៉ុណ្ណោះ​ ប៉ុន្តែ​បុគ្គល​ជោគជ័យ​ និង អ្នក​​សប្បាយ​ចិត្ត​ (Successful and Happy people ) កម្រ​និយាយ​ណាស់​ ផ្ទុយ​ទៅ​វិញ​គេ​ញញឹម​ហើយ​ស្វែង​រក​ហេតុ​ផល និង​ស្ម័គ្រចិត្ត​ប្រឈម​នឹង​ការ​ពិត​។​