មហាសេដ្ឋី លី កាសីុង៖ មាឌធំមិនសំខាន់ទេ សំខាន់គឺចិត្តធំ

          លោក លី កាសីុង ជាមហាសេដ្ឋីទី១ វ័យ៨៦ឆ្នាំមួយរូប នៅប្រទេសហុងកុង និងលំដាប់លេខ ១៧ ក្នុងចំណោមមហាសេដ្ឋីក្នុងពិភពលោក។ ទន្ទឹមនឹងកិត្តិនាមដ៏មហិមា លោកលី មានទ្រព្យសម្បត្តិទាំងអស់ដល់ទៅ ៣៥,៣ ពាន់លានដុល្លារអាមេរិក​ ដោយយោងតាមទស្សនាវដ្ដី Forbes បានផ្សាយចេញកាលពីពេលថ្មីៗនេះ។

នាពេលលោកលី មានអាយុ១២ឆ្នាំ ខណះសង្គ្រាមរវាងចិន និងជប៉ុនបានផ្ទុះឡើង ពេលនោះគ្រួសាររបស់លោកបានផ្លាស់ប្ដូរលំនៅដ្ឋានទៅហុងកុង ប៉ុន្តែការចំណាកស្រុកនេះ មិនបានយ៉ូប៉ុន្មាន ឪពុកលោកលី កាសីុញ បានទទួលមរណភាព ដូច្នេះភារកិច្ចមើលថែទាំគ្រួសារទាំងប៉ុន្មានធ្លាក់មកលើរូបលោក។ កំឡុងពេលដែលលោកមានអាយុ ១២ឆ្នាំ លោកមិនទទួលបានការសិក្សាអ្វីទេ ព្រោះលោកត្រូវរកលុដើម្បីចិញ្ចឹមគ្រួសារ។


គ្រួសារលោកពីមួយថ្ងៃ ទៅមួយថ្ងៃ រស់ដោយសារនំបុ័ង។ លោកលី ខិតខំរកលុយដើម្បីទិញនំបុ័ងចិញ្ចឹមក្រពះ ដោយការដើរលក់ផ្កា នាឡិកាជ័រ និង ខ្សែក្រវ៉ាត់ជារៀងរាល់ថ្ងៃ។ នៅពេលអាយុ ១៥ឆ្នាំ លោកបានចូលធ្វើការជាអ្នកលក់ផ្លាស្ទិច ឲ្យក្រុមហ៊ុនមួយ នៅហុងកុង ដោយមួយថ្ងៃលោកធ្វើការ ១៦ម៉ោង និងធ្វើការអស់រយះពេល ៥ឆ្នាំ។

អំឡុងឆ្នាំ ១៩៥០ លោកលី ទទួលបានបទពិសោធច្រើនពីកន្លែងចាស់ លោកក៏បែកគំនិតបង្កើត រោងចក្រផ្លាស្ទិចមួយ ដែលជាក្រុមហ៊ុនទីមួយរបស់គាត់មានឈ្មោះថា Cheung Kong លោកគឺជាអគ្គនាយកគ្រប់គ្រងដោយផ្ទាល់។ ។ ប៉ុន្មានឆ្នាំក្រោយមកទៀត លោកលី ក៏បានក្ដោបក្ដាប់លើវិស័យធុរកិច្ច ផ្នែកសុខភាពនិង សម្រស់ រួមទាំងក្រុមហ៊ុនជាច្រើនទៀត។

ជីវិតនៃការតស៊ូរបស់ លោកលី កាសីុញ នេះពិតជាបានផ្ដល់គំរូ និងទស្សនះជាច្រើនដល់អ្នកជំនួញទូទាំងពិភពលោក។ ឃ្លាសំខាន់បំផុតមួយ ដែលលោកអ្នកគួររៀន ពីគាត់គឺថា មនុស្សគ្រប់គ្នា មិនថាមានទ្រព្យប៉ុនណា ឬមានខ្លាំង មានអំណាចប៉ុនណាទេ បើអ្នកមិនមាន បេះដូងធំ ពោលគឺចិត្តខ្លាំង តស៊ូគ្រប់ការលំបាក នោះអ្នកនឹងមិនជោគជ័យក្នុងជីវិតទេ។ លោកថាយ៉ាងខ្លីថា មាឌធំមិនសំខាន់ទេ សំខាន់គឺចិត្តធំ។